بسم الله الرحمن الرحيم
بداية اوضح ان الموضوع كنت كتبته من فترة طويلة وبما انى مسئولة عن الملف
الاجتماعى فقلت انزله منجديد لكى نبدا فى عمل دراسة شاملة كيفية اصلاح
الوضع الاجتماعى
إلى أخواتى واخوانى وأحبابى فى العالم العربى كلام بسيط وعادى أوجه لكم
حيث لا أجيد الشعر أوالاقتباس كل ما أجيده هو كلام يخرج من قلبى الحزين
لما يراه كلنا نشاهد ونشاهد ونبكى وندعى هذا ما نفعله ولكن الحقيقة فى
أيدينا أشياء كثيرة لنفعلها بداية نحن والحمد لله نعرف عبادتنا المفروضة
علينا وأكيد كلنا بنعملها ولكن تنقصنا السلوكيات التى تكلم عنها ((محمد
عبده)) رأيت إسلاما فى بلاد بلا إسلام ومسلمين بلا إسلام يعنى بصراحة أحنا
بنطبق اللى يمشى مع أهوائنا ونترك الأهم الذى جعلنا فى هذا الهوان واليكم
أمثلة من الغرب وأمثلة من بلاد العرب:ـــــ
أولا من بلاد الغرب
*يحافظون جدا على المكان الذى يوجدون فيه سواء حدائق عامة أو الشارع استحالة نجد ورقة فى الأرض
*كذب لا رغم عدم التزامهم بمسيحيتهم إلا إنهم يحترمون مبادىء دينية فى حقيقتها صعب جدا ان يكذبوا
*نفاق لا مش ممكن تقابل واحد يمدح فيك لانك مديره أو رئيسه لو كويس فى عمله يجد الترحيب غلطة صغيرة الويل الويل له .
*رشوة صعب جدا استحالة موظف يأخد رشوة حتى لو كان مرتبه ضئيل جدا لأنه يحترم بلده جدا .
* بالنسبة للمرأة المظاهر أخر حاجة وده موضوع كبير جدا مش حتصدقوا
1ـ البنت تلبس ملابس عادية جدا فى خروجها .
2ـ مافيش حاجة اسمها لازم مكياج الدنيا مش حتخرب
3ـ عند الاسر التى سيحدث زواج كامل مطالب بسيطة من العريس
4ـ يوم الزفاف بسيط جدا وتقريبا لا يوجد كوافير والعروسة تضع مكياج خفيف جدا .
5ـ أهم شىء الرعاية بالاطفال وتعليمهم جيدا .
6ـ فى الاكل تقديم وجبات بسيطة مفيدة جدا .
7ـ احترام المواعيد والالتزام بها .
حاجات كثيرة عندهم مش عندنا والغريبة ان دين الإسلام دين سلوك فى أساسه
كما علمنا سيد الخلق واطهرهم النبى المكمل محمد عليه أفضل الصلاة والسلام
الكلام كثير ساكمل لكم بلاد المسلمين فيها إيه أرجو منكم تعليقاتكم ولكم
جزيل الشكر وتقبلوا إسلوبى العادى

تكملة لما قلته فى السابق قبل كل شىء احب ان اوضح ان ما اقوله هو الصورة
العامة الشائعة لدينا إحنا فى بلاد العرب عندنا إيه وعندى أمثلة كثيرة ومش
عاوزة حد يزعل منى حيث ما أراه فى بلدى واضح جدا ومافيش حاجة اسمها عيب
متفضحيش بلدك لا لازم نقول ونكون صرحاء علشان نعالج مشاكلنا بصراحة :
*مافيش حاجة اسمها نظافة الشوارع كلها غير نظيفة دائما نرمى ورق فى الشارع
/ للاسف الناس تفرغ ما فى فمها فى الشارع وده بينقل أمراض طبعا / لو حد
مجنون عمل زرع أمام بيته استحالة يلاقى زرعته وبالتالى صعب ان نجد وردة
جميلة لنشعر ولو بجزء بسيط من الراحة النفسية .
*لا نحافظ على الممتلكات العامة فمثلا لا انسى ظهور قطارات جديدة تماما
وركبتها وهى حديثة جدا وفى خلال أيام وجدت الشبابيك مكسرة وعرفت السبب
الاطفال الظريفة تحدف طوب على القطار وهو ماشى وطبعا مافيش حد بيقول بتعمل
ايه
*الكذب انتشر جدا نسيت اقول انه فى الخارج مافيش حاجة اسمها احلف احنا بقى
ملوك الحلفان ناسين قول الله تعالى ( ولا تجعلوا الله عرضة لايمانكم )
وللاسف حلفان كثير وكله كذب
*النفاق وده مشكلة ملهاش حل مدير رئيس مدمرك كله قرارته خطا مائة بالمائة
وبرضه بنهلله ونمدح فى ذكائه الخارق الذى لا حد له لاننا نسينا اسلامنا
ومبائنا .
*رشوة احنا ملوك الرشوة ولنا عذرنا ظروفنا المادية سيئة جدا ونسينا ((انه من يتق الله يجعل له مخرجا )) .